Warning: session_start(): open(/var/cpanel/php/sessions/ea-php72/sess_e0a0edd3a121c76461d7f77f911131ed, O_RDWR) failed: No such file or directory (2) in /home/hlqcenter/project/src/bootstrap.php on line 13

Warning: session_start(): Failed to read session data: files (path: /var/cpanel/php/sessions/ea-php72) in /home/hlqcenter/project/src/bootstrap.php on line 13
Heart & Lung Quality Center

Informashon di bishíta

Bini poliklínika ku

Kada bes ku bishitá nos poliklínika bin ku:

  • Un prueba di identifikashon bálido, manera rèibewèis, pasport òf sédula.
  • Karta di referensha (verwijsbrief) di bo dòkter di kas.
  • Un resúmen resien di e remedinan ku bo ta usa. Tambe e remedinan ku bo nó a haña ku resèpt di dòkter.
  • Bo papelnan di seguro: karchi òf karta di garantia.
  • Komprenshon i pasenshi nesesario.

Konsulta ku e speshalista.

Un speshalista médiko ta duna bo informashon tokante bo malesa òf kondishon. E ta proponé algun tèst, un tratamentu òf operashon i ta papia tokante remedinan, e ta preskribí remedi i indiká nan efektonan sekundario (side effects). Huntu ku bo speshalista bo ta disidí pa kua tèst i/òf tratamentu bo ta opta. Pa bo por hasi esei, ta importante ku bo tin e informashon korekto i ku e ta komprendibel.

Tep pa prepará bo mes riba e konsulta

Promé ku e konsulta

  • Sa adelantá kiko bo ke bisa bo speshalista. Splika bo pregunta/keho bon. Pa asina tambe ta kla pa bo speshalista kiko ta mas mihó pa hasi.
  • Pensa adelantá kiko bo ke sa i skirbi bo preguntanan riba un papel, pa bo no lubida nada.
  • Bin ku un hende di konfiansa. E por yuda bo papia i skucha. Dos hende ta tende mas ku un.

Durante e konsulta

  • Puntra ora bo no komprende algu, por ehempel nòmber/término médiko.
  • No hasi bo preguntanan te na final, nèt promé ku bo tin ku bai.
  • Puntra si tin foyete òf wèpsait (website) tokante bo kondishon, tèst i/òf tratamentu. Por puntra tambe si tin un organisashon pa pashènt ku mes un kondishon ku bo.
  • Na final di e konsulta resumí e puntonan prinsipal di e kombersashon. Por ehempel: "Dòkter a bisa ku...?" Asina bo por chèk si bo a kompronde tur kos bon.

Rekordatorio pa sita

Bo no ke lubidá bo sita. Awor ta posibel pa risibí un rekordatorio via di email òf SMS algún dia delantá.