Nos organisashon
Vishòn
Heart & Lung Quality Center ta un poliklínika privá prominente, kontemporáneo i outosufisiente pa Kòrsou i e islanan den serkania, digitalisá i outomatisá, ku ta ofresé su servisionan na pashènt for di 16 aña ku tin òf probablemente tin un problema na kurason i/o pulmon.
Balornan klave
Trahadornan di HLQC ta primintí di ta:
Profeshonal
Pashènt, kliente i koleganan por spera ku nos por konsehá nan i aktua sigun konsenshi a base di nos konosementu i eksperensha propio, relashoná ku petishonnan tokante nan estado físiko i e tèstnan ku nos klínika ta ofresé. Nos konseho i/òf akshon tin ku trese satisfakshon optimal serka pashènt, kliente i koleganan.
Integro
Pashènt, kliente i koleganan por spera ku nos ta ehekutá nos tareanan adekuá i kuidadoso, tumando e responsibilidatnan mutuo na kuenta. Semper nos lo konsehá i aktua franko i honesto.
Hospitalario
Pashènt, kliente i koléganan por spera un bonbiní kordial di nos. Ku tur servisionan di kuido ta keda ofresé ku rèspèt pa balornan i preferenshanan i mas posibel realisá ku konsentimentu informá di e personanan konserní i ku mantenshon di integridat físiko i mental.
Konfiabel
Pashènt, kliente i koleganan por spera ku nunka lo violá e konfiansa duná na nos. Nos ta tene nos na akuerdonan realisá i promesanan hasí.
Inovativo
Pashènt, kliente i koleganan por spera ku nos lo aktua inovativo i transformativo na moda ku físikamente i mentalmente nan lo benefisiá for di esaki.
Dediká
Pashènt, kliente i koleganan por spera ku nos ta dediká nos mes kompletamente pa kontribuí aktivo den nos afan kontinuo pa yega na un organisashon di kuido ekselente.
Empátiko
Pashènt, kliente i koleganan por spera ku nos tin empatia. Nos ta mustra un kordialidat apropiá pa situashonnan ku e personanan konserní a haña na mes aden i pa sintimentunan ekspresá dor di nan.