ECG: Elektrokardiogram

Den mayoria kaso ECG (eléktrokardiogram) ta un di e promé tèstnan ku un persona ta hasi pa doló na pechu, falta di rosea, òf si e ke djis kontrolá si tur kos ta bon (skrin). Ku e ECG ta saminá e funshon eléktriko di e kurason. E tèst ta dura algún minüt so. Un ECG no tin riesgo di peliger i no ta hasi doló.

E kurason ta un múskulo ku ta kontené kuater kompartimentu bashí, kaminda bo sanger ta pasa. Dor di kontrakshonnan di e spir, sanger ta wòrdu di pòmp dor di e kurason den e adernan di bo kurpa. E kurason por kontraé dor di koriente ku e mes ta generá. E kurason ta kontraé semper bai den mesun sekuensha. Promé e dos auríkulanan parti ariba (atrio), sigí pa e skòt di separashon i pa último e dos kambernan abou (fentrikulo).

Kada fase tin su mes parti den henter e siñal di koriente durante un siklo di pòmp. Ta registrá e siñal di koriente pa medio di e elektródonan ku e laborant ta pega na sierto kaminda riba bo pechu. Asina e siñal por bira visibel riba pantaya i/òf papel, lokual ta yama un ECG (eléktrokardiogram).

Preparashon

Pa e elektródonan keda bon pegá, por ta nesesario pa feita kabei òf seka bo kurpa di transpirashon. Despues ta limpia e kamindanan aki ku alkohòl pa kita puiru di talko òf krema for di riba kurpa.