Histamine-provocatietest

Ku e tèst aki ta midi kon bo pulmonnan ta reakshoná riba supstanshanan ku por kousa alergia serka hende. Nan ta pidí bo pa inhalá un supstansha asina manera histamine.

Preparashon

Por kome i bebe normal. Pa e tèst logra bon, bo tin ku stòp di tuma sierto remedi temporalmente. Ora ta traha sita, bo ta haña un lista ku nòmber di e remedinan. Ta trata por ehèmpel di remedi pa alergia, remedi pa habri e via respiratorio i/òf kortikosteroids. No trein òf hasi trabou pisá promé ku e tèst. Esei por tin influensha negativo riba e tèst.

Saminashon

Bo ta sinta riba un stul i ta haña un aparato den bo boka. Trata di relahá mas posibel. Bo por hala rosea normal. Bo ta haña un pènchi riba bo nanishi pa bo no hala rosea dor di dje. E laborant ta kuminsa puntra bo pa hala rosea aden profundo un par di biaha i sak’é afo ku hopi forsa, pa e aparato por midi kon bo pulmonnan ta funshoná. Despues bo ta inhalá un dósis di histamina. Ku kada inhalashon e dósis ta subi. Kada bes ta midi kon bo pulmonnan ta reaksoná. Bo por kuminsa tosa òf sinti benout di e histamina. Si bo ta sinti bo hopi hanshá,e laborant ta duna bo un remedi pa habri bo sistema pulmonal na ora. E sintimentu di hanshá ta kita un bes e ora ei. Ta finalisá e tèst ora bo halamentu di rosea a normalisá i bo pulmonnan ta traha mes un kos ku na kuminsamentu di e tèst. E tèst ta dura 30 pa 90 minüt.

Poskuido

Despues di e tèst bo por bai kas normal. Por ta bo ta keda ku un tiki doló di garganta òf tosamentu lokual ta pasa di su mes. E tèst no tin riesgo signifikativo, e por kansá bo un tiki si.