Warning: session_start(): open(/var/cpanel/php/sessions/ea-php72/sess_2b85588c3c9e267b6bbd07f8851cb6f3, O_RDWR) failed: No such file or directory (2) in /home/hlqcenter/project/src/bootstrap.php on line 13

Warning: session_start(): Failed to read session data: files (path: /var/cpanel/php/sessions/ea-php72) in /home/hlqcenter/project/src/bootstrap.php on line 13
Heart & Lung Quality Center

Kontrolá i midi pesmeker

Normalmente e kurason ta bati den un ritmo regular, pero por surgi un trastorno den e ritmo di kurason. E ta kuminsa bati iregular, lihé di mas òf slo di mas. E promé dos por bebe remedi p’é, pero pa un ritmo slo tin ku implantá un markapaso (pacemaker). Implantashon di un markapaso ta un operashon chikitu. E por ta un desishon drástiko ku hopi konsekuenshanan práktiko i posiblemente sikososial tambe.

Un markapaso ta un kashi di titanium na grandura di un kaha di lusifè i ta pisa 20-30 gram. E ta generá pulso di elektrisidat, e tin 1 pa 3 waya ku por pasa elektrisidat i un bateria. Mayoria biaha ta pone e markapaso na banda robes di e pechu. Ta hasi un kortá pa pone e kaha bou di kueru òf e muskulo di pechu. E wayanan ta pasa drenta bo kurason via di un ader i mester 6 siman pa pega den bo kurason.

Tene bo mes na e siguiente reglanan te ku 3 luna despues di bo operashon

  • Evitá rèk i bira bo brasa mas haltu ku bo skouder. No trese e brasa patras di bo kurpa. Ora di bisti ta hinka e man na banda di e operashon promé i sak’é delaster ora ta kita paña. Hasi esei na banda of dilanti bo kurpa.
  • No hisa kos òf hasi trabou pisá, manera hisa kompras òf un mucha. E brasanan parti abou si por move.
  • Wak pa no forsa bo brasa ku trabou pisá manera stófzùiger, laba bentana, klaba, bora, fèrf
  • Evitá di bisti paña pèrtá riba e herida, ni strèp di BH òf guièl
  • Hasi e ehersisionan pa skouder manera a spliká bo, pa e no bira stèif.

Kòntròl

Un pa dos siman despues di e operashon ta pasa pa kontrolá e herida. Ademas tin ku midi i kontrolá e markapaso (pacemaker) un par di biaha pa aña. E promé biaha lo tuma lugá dos luna despues e operashon. Ta kontrolá si e markapaso ta traha bon, ku e batería i e wayanan ta bon. Ta hasi un ECG i ta kontrolá si tabatin iregularidatnan den e ritmo di kurason.