Registrashon di preshon pa 24 ora

Ta graba bo preshon riba un rikòrder durante 24 ora (BDM), mientras bo bida diario ta sigi nòrmal. E tèst no tin riesgo di peliger i no ta hasi doló.

Preparashon: No ta nesesario.

Saminashon

Yega un kwart’i ora promé ku bo sita pa e kurpa freska i sosegá.Ora e laborant ta yamá bo, bo tin ku kita bo paña parti ariba i sinta riba un kama di saminashon òf stul. E ta bisti bo e banchi pa midi preshon na bo brasa robes. E preparashonnan ta dura mas o menos 15 minüt.

Bai kas

Despues di pega e banchi pa midi preshon ku su rikòrder, bo por bai kas. E laborant ta duna bo un diario pa bo nota tur bo aktividatnan aden. Bo tin ku nota e ora, durashon i deskripshon di e aktividat. Hasi tur lokual bo sa hasi normalmente, por ehèmpel 7.00 – 7.30: lanta i bisti paña/ 7.30-8.00: kana pafo/ 8-00-9.00: desayuná i lesa kòrant, etc. Ora bo ta bai drumi tambe keda ku e rikòrder bistí.

No ta permití

No ta permití pa muha e aparato i e elektrodonan. Esei por stroba e registrashon. Anto no por baña ni landa. Refreská kurpa na kranchi.

Remedi

Si bo ta usa remedi diariamente, por tuma nan normal, basta bo dòkter no a palabrá algu otro ku bo.

Ki ta hasi despues ku e 24 ora di registrashon a pasa

Despues di 24 ora bo mes por kita e banchi di midi preshon i tres’é bèk pa nos, huntu ku e BDM rikòrder i e lista ku notifikashonnan.

Resultado

Bo ta risibí e resultado despues serka e speshalista ku a pidi e tèst. Un laborant no tin pèrmit pa duna resultado.