Tèst di ergometria

Ergometria ta un saminashon kaminda ta midi ritmo di kurason, preshon i rosea durante bo ta kanando riba un aparato. E tèst por mustra kuantu esfuerso físiko bo kurpa por hasi. Por prueba tambe si e kousa di kansa lihé, ta situá na pulmòn i/òf kurason. E tèst por mustra kuantu esfuerso físiko bo kurpa por hasi. Por prueba tambe si e kousa di kansa lihé, ta situá na pulmòn i/òf kurason.

Preparashon

No kome algu pisá (fèt), no trein òf hasi trabou pisá den e dos oranan promé ku e tèst di ergometría. No bin nos departamento ku baiskel, esei por influenshá e saturashon na un manera negativo. Ta importante ku bo ta kuminsá e saminashon riba un rùst. Bo remedinan bo por tuma nòrmal, basta no a palabrá algu otro ku bo dòkter òf e laborant.

Saminashon

Bo ta bai para riba e aparato di kana. Un laborant ta bisti bo e banchi pa midi preshon na bo brasa durante ku bo ta kana. Riba bo pechu ta pega e très elektródonan pa registrá bo ritmo di kurason durante e tèst. Ademas bo ta haña un klep riba un dede ku ta midi e porsentahe de oksígeno ku bo tin den bo sanger (saturashon). Pa haña un miho bista posibel ta hopi importante pa duna bo esfuerso máksimo ku e kanamentu i no entregá lihé. Naturalmente bo por bisa e laborant kiko bo ta sinti durante e tèst. Un programa di kòmpiuter ta regla e velosidat i resistensha di e banchi ku bo ta kana riba djé. Bo mes ta disidí ki ora en berdat bo no por mas i ku bo ke stòp. Ta posibel ku dòkter ta disidí pa kue sanger un par di biaha durante e tèst. Mayoria biaha ta pasa un angua den dede, tin biaha ta un arteria den brasa.E tèst ta dura mas o menos 1 ora. No tin hopi riesgo. E tèst por kansá bo un tiki sí.

Durante un saminashon di hòlter ta graba e ritmo di kurason den bida diario pa 24 òf 48 ora riba un rikòrder, mientras bo bida diario ta sigi nòrmal. E tèst no tin riesgo di peliger i no ta hasi doló.

Resultado

Resultado di e tèst bo ta tende di e speshalista ku a pidi’é.