Tèst pa hiperfentilashon

Preparashon

Pa e tèst aki no tin mester prepashon spesífiko. Por kome, bebe i tuma remedi normal.

Saminashon

Bo ta tuma asiento riba un stul òf kama di saminashon. Bo ta haña un lista chikitu di pregunta pa yena, lokual por tuma bo 5 minüt. Pa e saminashon sali eksitoso bo mester ta mas relahá posibel. Bo ta haña e boka di un tubo den bo boka, ku ta konektá ku e aparato pa midi. Bo ta haña un pènchi riba bo nanishi pa no hala rosea dor di dje. Por hala rosea liber dor di e tubo den bo boka. E laborant lo puntra bo pa hala rosea mas hundu i/òf mas lihé ku normal durante un lapso di tempu. E lo spliká bo amplio. E aparato ta midi kon lihé i kon hundu bo ta hala rosea pa minüt i kuantu ásido karbóniko bo ta ekshalá durante e proseso.

E saminashon ta dura un mei ora. No tin riesgo. E tèst por kansa bo un tiki.