Nos Servisio

ECG: Elektrokardiogram

Den mayoria kaso ECG (eléktrokardiogram) ta un di e promé tèstnan ku un persona ta hasi pa doló na pechu, falta di rosea, òf pa djis kontrolá ku tur kos ta bon (skrin). Kun’é ta saminá e funshon eléktriko di e kurason. E tèst ta dura algún minüt so. Un ECG no tin riesgo di peliger i no ta hasi doló.

Mas informashon

Registrashon di Hòlter-ECG 24 òf 48 ora

Durante un saminashon di hòlter ta graba e ritmo di kurason den bida diario pa 24 òf 48 ora riba un rikòrder, mientras bo bida diario ta sigi nòrmal. E tèst no tin riesgo di peliger i no ta hasi doló.

Mas informashon

Registrashon di preshon pa 24 ora

Ta graba bo preshon riba un rikòrder durante 24 ora (BDM), mientras bo bida diario ta sigi nòrmal. E tèst no tin riesgo di peliger i no ta hasi doló.

Mas informashon

Ekokardiografia di kurason

Pa medio di sonido ku frekuensha haltu un ekokardiografista por wak di pafo kon bo kurason i su klèpnan ta funshoná. Por traha video, saka pòrtrèt i hasi kalkulashonnan di e imagennan. E tèst di eko no ta hasi doló.

Mas informashon

Tèst di ergometria

Ergometria ta un saminashon kaminda ta midi ritmo di kurason, preshon i rosea durante bo ta kanando riba un aparato. E tèst por mustra kuantu esfuerso físiko bo kurpa por hasi. Por prueba tambe si e kousa di kansa lihé, ta situá na pulmòn i/òf kurason. E tèst por mustra kuantu esfuerso físiko bo kurpa por hasi. Por prueba tambe si e kousa di kansa lihé, ta situá na pulmòn i/òf kurason.

Mas informashon

Kontrolá i midi pesmeker

Normalmente e kurason ta bati den un ritmo regular, pero por surgi un trastorno den e ritmo di kurason. E ta kuminsa bati iregular, lihé di mas òf slo di mas. E promé dos por bebe remedi p’é, pero pa un ritmo slo tin ku implantá un markapaso (pacemaker). Implantashon di un markapaso ta un operashon chikitu. E por ta un desishon drástiko ku hopi konsekuenshanan práktiko i posiblemente sikososial tambe.

Mas informashon

Tèst di probokashon ku histamina

Ku e tèst aki ta midi kòn bo pulmonnan ta reakshoná riba supstanshanan ku por kousa iritashon. Nan ta pidi bo pa inhalá un supstansha asina manera histamina. E supstansha no ta hasi daño na bo pulmonnan.

Mas informashon

Saminashon di kapasidat di pulmòn

Ku e tèst aki ta midi kuantu airu bo por hala aden i saka afo ora bo ta hala rosea trankil i ora bo ta hala rosea profundo. Ta midi e velosidat di ekspirashon tambe. Pa esaki bo tin ku hala rosea aden i afo un par di biaha, ku hopi forsa.

Mas informashon

Brònkoskopia

Ta un saminashon di e via respiratorio pa detektá inflamashon òf otro iregularidatnan. Den bo kurpa tin un pipa prinsipal ku ta hala rosea dor di dje, ku yama trákea. E ta dividí su mes den hopi ramanan. Un rama ta un bronko (bronchus). Pa hasi un bronkoskopia ta pasa un tubo ku un kámara na final via di bo boka, pa wak e bronkonan di paden. Bo por hala rosea normal. Henter e saminashon ku poskuido inkluí, ta dura mas o menos dos ora.

Mas informashon

Análisis di gas di sanger arterial

Ku un análisis di gas di sanger ta midi e kandidat di oksígeno, ásido karbóniko (koolzuur) i e asides di bo sanger. E balornan ta importante pa wak kon bo pulmonnan ta funshoná.

Mas informashon

Tèst pa hiperfentilashon

Pa e tèst aki no tin mester prepashon spesífiko. Por kome, bebe i tuma remedi normal.

Mas informashon

Laag zuurstof ademen

Ku e tèst aki ta midi kon bo kurpa ta reakshoná riba un kandidat di oksígeno abou (15%). E kandidat di oksígeno ta igual na e kandidat ku bo ta haña haltu den serunan, òf den avion. E tèst ta dura 1 ora i mei.

Mas informashon

Bòdibòks (Bodybox)

Den un bòdibòks ta midi e resistensia di bo trakto respiratorio, kemen kuantu esfuerso mester hasi pa hala rosea. També ta midi kuantu airu e pulmonan ta kapas di tene aden (volúmen di pulmon). Ta hasi e tèst den un espasio será, manera un sèl di telefòn. Nos ta yam'é bòdibòks.

Mas informashon

Tèst di alergénonan di kueru

Un reakson alérgiko ta un reakshon violento di e kurpa riba un supstansha ku normal no ta forma un peliger p’é. E supstansha ku ta kousa un reakshon alérgiko ta yama un alérgeno. Alérgenonan bo ta haña den airu, kuminda, remedinan, venenu di insektonan, pero tambe den bòdi loshon òf perfume.

Mas informashon